*هجر الاحزان*
حتي الشباك
الفاتح ليك
ويجيب الضي
سديتو علي
قفلت السكه
خاطر الكلمه المكسور
ما حاق النور
ولا الاشواق
لا الدمع الدفاق
لا القلب الراسم صوره
قاعد يرويها
بدم الروح
ونزف البوح
ولا اي حنين
هزاك يا ضنين
ابعد ارتاح
واداوي جراح
العمر الراح
مقسوملو يروح
ويكون مجروح
من قسوة قلب الفولاذ
فاقد الاحساس
الما قدر شىء
ودعتك ومشيت
دفتر وطويت
ايام عديت
ساعات الوجع المكنيه
فاتت يا بنيه
عيشي الباقي
عيشه هنيه
ما تذرفي دمعاتك عينيا
ودعي خاطر الكلمه المكتوم
ودعي عذابات القلب المكلوم
ودعي من يهديكي سموم
شأن يكتل فيك الروح
وتعيشي تعاسه ابديه
قولي ليهو خلاص
روق للراس
وفر اوجاعك خت المتراس
اطفي النبراس
قفل للسكه الفاتحه علي
وامنع للجي
امنع للمي
انسي المي
وانساني كمان
وانا بنساكا
بجفاك بعد جافيتيني كتير
وبرمي الذكري في قرار البير
✍?رماح بشير
الشكر للأستاذ محمد نجيب محمد علي علي نشر هذا النص علي صفحته أنفاس الكلام
