???
المهنية(إتعلموها) من والي الجزيرة ايها الناس …!
بقلم/ صبري???
]
حقيقة لم ولن اخف اعجابي وتقديري واحترامي لاداء ومهنية والي ولايتنا الحبيبة (الجزيرة) السيد اسماعيل عوض الله العاقب متعه الله بالصحة والعافية ومن اى الزواية نظرت لهذا الرجل . سرعة الحركة المواقعية واتخاذ القرار الصائب بعيدا عن عبارة (ينظر ويفاد) والامثلة كثيرة التى تغنى بها غيرى عن شخصية هذا الرجل.
يعني الزول ده باختصار كده
(يا يوسف) !
(قيافة وفايت الناس مسافة)
واكثر حاجة مكيفاني خااالس انه يمارس حياته العملية ولا ينسى نصيبة من العطلات واظنها (الفسح) كمان . هذا الرجل رصدت له تقريبا ثلاث مرات اصدار مرسوم ولائي يفوض فيها امين عام حكومة الولاية بتسيير المهام من الفترة كذا الى كذا اى فترة اجازته من غير ان يذكر انه فى عطلة او راحة .
يعنى يا جماعة …
من اليوم الفلاني الى اليوم الفلاني انا ما موجود يا جماعة والمسؤول منكم هو زميلنا امين الحكومة .
يا اخوانا بالله فى حلاوة ومهنية وعطاء اكثر من كده؟
واخرها كان مرسومة الخميس قبل الماضي والذى يفهم منه غيابة لاسبوع نعم اسبوع فقط ولكنه اصدره ..
(حقيقة … لقد اتعبت من سيأتي بعدك يا اسماعيل)
(طيب) عاوز اقول ليكم مفارقة غريبة جدا وهى ….
ان السيد نائب رئيس مجلس السيادة الفريق (الما ركن) حميدتي قال ضمن اجابته على سؤال صحفي ابان زيارته الاخيرة لدولة جنوب السودان
قال ….
ان السيد الرئيس ويقصد به الفريق الركن الاول البرهان فى اجازة ! واخدنا منه الاذن لهذه الزيارة و سمح ! واسترسل فى استكمال اجابته التى لا يهمنا مضمونها بقدر ما يهمنا منها ان ….
(السيد الرئيس فى اجازة) !
فى زول سمع بيها يا جماعة ؟
هل اعلنها القصر ؟
(قال ليك) يطرشنا
قالوا لينا رئيسكم مسافر او غائب او (ساااي) زهج منكم وعاوز يرتاح من خلقنا دي؟
لا والله !
طيب داخلية واللا خارجية نقول (حبيبي سافر وجاء) ؟
ابدا ….
علمي علمك واحد
ياااا جماعة …
البلد دى (طبلية سجاير) ؟
تحرسها لجارك وتفوت سااااكت كده؟
لا بيان لا اعلان لا تكليف !
والحق يقال ليس السيد البرهان وحده من يفعل ذلك
فكل الذين سبقوه من حكام السودان لم نسمع لاحد منهم انه تمتع باجازة سنويةواعلنها ثم كلف من ينوب عنه للقيام بمهامة !
والحمد لله امورنا ما زالت ماشة بالبركة!
(ما عارف الحكاية دي شايفنها عيب واللا شنو يا عب باسط)
ياخ ضهري اوجعني من كثرة (الصنقير) وعاوز ارتاح
فيها حاجة ؟
نقلت مقوله عن الراحل الرئيس نميري انه كان يحضر صباحا ويضع (الكاب) على مكتبة كاثبات على انه موجود ثم ينصرف لقضاء مهام اخرى لربما اجتماعية !
والبلد كانت ماشة (زي الساعة)
(طيب) العبد لله (حا) يتبرع بتحليل سبب عدم اعلان تكليف البرهان لمن سيقوم بمهامة (هذا بالطبع عطفا على ما صرح به السيد النائب .
طبعا هو اكيد (حا) يكون كلف من يقوم بمهامة و لكن لم يتم اعلانه؟
وقبل ما تقول لي
قول …
قول … يا استاذ
اسمعني كويس …
الشئ الطبيعي حسب مُخي(الطحينة ده) …
ان اعلى سلطة فى البلد عندما يغيب لاى سبب سيكلف نائبة للقيام بمهامة اثناء فترة غيابه
او انه …(اااي نعم ممكن يكلمه) فى قعدة شاهي وكده او بالتلفون وخلاس دون اعلان .
لكن فى النهاية سيكلفه
ولاعتبارات حساسة جدا جدا يقدرها هو قد لا يعلم بهذه الاجازة حتى اقرب خلصائه .
ويقول ليهو …
(يا نائبي) فلان بالله خلي بالك من الجماعة ويشتت بلا مراسيم ولا اعلان و لا دوشة
لكن ..(خلي بالك فى الحتة دي)
و هي ….
وهو (طالع) من الحلة
(فهمتا علي) ممكن جدا ….
يعمل حاجة تانية وهي ..
يمر على التاجر (حاج عثمان) الرجل الراااسي والحكيم والغنيااان يوصيهو الوصية الكاملة علي العيال واغراضهم والمدارس والسعية و (حق) الراعي وحليب البقرة والجزار وكده ويتخارج .
فهمتو الحكاية …!
انا غايتو (متوقع) ان السيد البرهان عمل كده قبل اجازته
لكن (منو) حاج عثمان بتاعو فهذا ما ساتركة لفطنة القارئ .
قبل ما انسى :—
مقدرين الظرف يا ريس تمشي وتجي بالسلامة يا (فندوم) .
ولو كنت محلك لفعلت الذي فعلت !
وقديما قيل التدبير نصف المعيشة او نصف الحكم فالامر سيان .
الاثلاثاء ٣/يناير ٢٠٢٣م محمد علي (العيكورة)
]
حقيقة لم ولن اخف اعجابي وتقديري واحترامي لاداء ومهنية والي ولايتنا الحبيبة (الجزيرة) السيد اسماعيل عوض الله العاقب متعه الله بالصحة والعافية ومن اى الزواية نظرت لهذا الرجل . سرعة الحركة المواقعية واتخاذ القرار الصائب بعيدا عن عبارة (ينظر ويفاد) والامثلة كثيرة التى تغنى بها غيرى عن شخصية هذا الرجل.
يعني الزول ده باختصار كده
(يا يوسف) !
(قيافة وفايت الناس مسافة)
واكثر حاجة مكيفاني خااالس انه يمارس حياته العملية ولا ينسى نصيبة من العطلات واظنها (الفسح) كمان . هذا الرجل رصدت له تقريبا ثلاث مرات اصدار مرسوم ولائي يفوض فيها امين عام حكومة الولاية بتسيير المهام من الفترة كذا الى كذا اى فترة اجازته من غير ان يذكر انه فى عطلة او راحة .
يعنى يا جماعة …
من اليوم الفلاني الى اليوم الفلاني انا ما موجود يا جماعة والمسؤول منكم هو زميلنا امين الحكومة .
يا اخوانا بالله فى حلاوة ومهنية وعطاء اكثر من كده؟
واخرها كان مرسومة الخميس قبل الماضي والذى يفهم منه غيابة لاسبوع نعم اسبوع فقط ولكنه اصدره ..
(حقيقة … لقد اتعبت من سيأتي بعدك يا اسماعيل)
(طيب) عاوز اقول ليكم مفارقة غريبة جدا وهى ….
ان السيد نائب رئيس مجلس السيادة الفريق (الما ركن) حميدتي قال ضمن اجابته على سؤال صحفي ابان زيارته الاخيرة لدولة جنوب السودان
قال ….
ان السيد الرئيس ويقصد به الفريق الركن الاول البرهان فى اجازة ! واخدنا منه الاذن لهذه الزيارة و سمح ! واسترسل فى استكمال اجابته التى لا يهمنا مضمونها بقدر ما يهمنا منها ان ….
(السيد الرئيس فى اجازة) !
فى زول سمع بيها يا جماعة ؟
هل اعلنها القصر ؟
(قال ليك) يطرشنا
قالوا لينا رئيسكم مسافر او غائب او (ساااي) زهج منكم وعاوز يرتاح من خلقنا دي؟
لا والله !
طيب داخلية واللا خارجية نقول (حبيبي سافر وجاء) ؟
ابدا ….
علمي علمك واحد
ياااا جماعة …
البلد دى (طبلية سجاير) ؟
تحرسها لجارك وتفوت سااااكت كده؟
لا بيان لا اعلان لا تكليف !
والحق يقال ليس السيد البرهان وحده من يفعل ذلك
فكل الذين سبقوه من حكام السودان لم نسمع لاحد منهم انه تمتع باجازة سنويةواعلنها ثم كلف من ينوب عنه للقيام بمهامة !
والحمد لله امورنا ما زالت ماشة بالبركة!
(ما عارف الحكاية دي شايفنها عيب واللا شنو يا عب باسط)
ياخ ضهري اوجعني من كثرة (الصنقير) وعاوز ارتاح
فيها حاجة ؟
نقلت مقوله عن الراحل الرئيس نميري انه كان يحضر صباحا ويضع (الكاب) على مكتبة كاثبات على انه موجود ثم ينصرف لقضاء مهام اخرى لربما اجتماعية !
والبلد كانت ماشة (زي الساعة)
(طيب) العبد لله (حا) يتبرع بتحليل سبب عدم اعلان تكليف البرهان لمن سيقوم بمهامة (هذا بالطبع عطفا على ما صرح به السيد النائب .
طبعا هو اكيد (حا) يكون كلف من يقوم بمهامة و لكن لم يتم اعلانه؟
وقبل ما تقول لي
قول …
قول … يا استاذ
اسمعني كويس …
الشئ الطبيعي حسب مُخي(الطحينة ده) …
ان اعلى سلطة فى البلد عندما يغيب لاى سبب سيكلف نائبة للقيام بمهامة اثناء فترة غيابه
او انه …(اااي نعم ممكن يكلمه) فى قعدة شاهي وكده او بالتلفون وخلاس دون اعلان .
لكن فى النهاية سيكلفه
ولاعتبارات حساسة جدا جدا يقدرها هو قد لا يعلم بهذه الاجازة حتى اقرب خلصائه .
ويقول ليهو …
(يا نائبي) فلان بالله خلي بالك من الجماعة ويشتت بلا مراسيم ولا اعلان و لا دوشة
لكن ..(خلي بالك فى الحتة دي)
و هي ….
وهو (طالع) من الحلة
(فهمتا علي) ممكن جدا ….
يعمل حاجة تانية وهي ..
يمر على التاجر (حاج عثمان) الرجل الراااسي والحكيم والغنيااان يوصيهو الوصية الكاملة علي العيال واغراضهم والمدارس والسعية و (حق) الراعي وحليب البقرة والجزار وكده ويتخارج .
فهمتو الحكاية …!
انا غايتو (متوقع) ان السيد البرهان عمل كده قبل اجازته
لكن (منو) حاج عثمان بتاعو فهذا ما ساتركة لفطنة القارئ .
قبل ما انسى :—
مقدرين الظرف يا ريس تمشي وتجي بالسلامة يا (فندوم) .
ولو كنت محلك لفعلت الذي فعلت !
وقديما قيل التدبير نصف المعيشة او نصف الحكم فالامر سيان .
الاثلاثاء ٣/يناير ٢٠٢٣م
