????????*
*ملاحظات على مؤتمر دول الجوار في القاهرة اللي أيدوه الكيزان ونططوا ليهو وقالوا ما فيهو تآمر وغاغ غااااااغ زي بتاع الإيقاد :*
*ماف دولة إتكلمت عن تمرد الدعم السريع بما فيهم مصر ..
*كلهم وصفوا الحاصل بجملة (الصراع في السودان) أو (الأزمة السودانية).
*ماف دولة أدانت إنتهاكات أي طرف من الأطراف.
*كل التركيز كان عن وقف مستدام لإطلاق النار و الوضع الإنساني ّ.
*جامعة الدول العربية دعمت مسار جدة الساعي لتحقيق شروط وقف إطلاق نار شامل ومستدام وفوري في السودان ..
*أبي احمد الشتموه جا وقال نفس الكلام ..
*المهم :
ده بيعني إنه آخر كروت الكيزان بإنه مصر تدعم الحرب إتحرقت عشان نيتهم سوداااااااء ..
مااااااااااافي دولة حا تساعدهم في مواصلة الحرب الولعوها كيتاً في الإطاري عشان هم خارج السلطة ..
و منبر جدة الهاربين منو ده حايرجعوا ليه، أو حيوقعوا على نفس بنوده تحت رعاية الإيقاد ..
بالرغم من كل السوء الحصل بي سبب الحرب دي، لكن نحن الآن بنشهد في حلقاتها الآخيرة ..
وغصباً عنهم إتفاق جدة أو مؤتمر القاهرة و(توابعه) حا يوقف الحرب ..
وحايضع نهاية للكيزان و الجنجويد حتى و لو بقت النهاية دي بشكل تدريجي بإذن الواحد الأحد ..
حا يرجع جميع المهاجرين والمشردين بإذن الله ..
وأصحاب النية البيضاء والوطنيين المخلصين يتعاونوا مع بعض لسد كل التشققات التي حدثت بسبب الحرب ..
ويبنوا كل الدمار الخلفوه لينا الكيزان إما بشكل مباشر او عن طريق كائناتهم و أجسامهم الخلفوها و نسوها ..
حنرجع نعاين للمستقبل بتفاؤل، و نتعظ من الحرب بي إننا نوقف التنظير و نشيل معاول بناء لوضع أساس جديد للسودان قائم على العطاء و التجرد و الوطنية ..
و لا عزاء لكل البلابسة و كل نافخي كير الحرب ..
كل المتضررين والمكتوين بنيرانها حا ينعموا بالسلام غصباً عن كل أصحاب الغرض و المرض، الناعقين مع كل ناعق و المائلين مع كل ريح ،،
