اكبر معمرة في السودان في مدينة كورتي.
مولودة سنة 1901م
علي حسب تقديرات عمرها من اهلها ومقالة من والدنا بشير احمد كمبال عليه الرحمة انها نديدته.
عمرها 125 سنة .
ولدت بكورتي وتزوجت من خالنا خضر احمد البدوي وانجبت بنت توفت صغيرة ربنا يرحمها.
ولها ابن كبير تزوج وله عدة ابناء ربنا يحفظهم وهو ابن خالنا احمد السنجك
وابوه ملقب ب السنجك.
وهي العمة ربنا يمد في ايامها .
????زينب احمد افندي???? ومرفقة الصورة????
وطبعا زمان ماكان في شهادات ميلاد ولكن الناس توثق بالمناسبات زي ما يقولك زمن التساب الغرق البلد سنة 46 او السيل او مجاعة سنة ستة او زمن النجمة ام ضنب .او زمن الاتراك.او المهدية.
وهي عايشة في امن وامان مع ابنها وعقليتها وذاكرتها 100%.
ومن العجائب انها جاءت الي مصر وهي الان وصلت الاسكندية (تهريب).بالبكاسي من كورتي الحلة البيضاء.
يعني بطلوا دلع تاني مافي زول يقول السفر متعب او طويل.
وربنا يديها الصحة والعافية .
ويجب ان تسجل في موسوعة جينس العالمية.
وسلمنا عليها وعرفتنا بالاسم وسالتنا من اهلنا واولادنا. ودعت لنا دعوات كتيرة.
نظر تمام .سمع تمام.عقل تمام.ذاكرة تمام. ومتحركة
تعرفوا ليه.
ديل ناس مأكلين حلالهم ومواصلين ارحامهم والدين عندهم المعاملة الطيبة والحنية.
يحترموا الكبير. ويوقروا الصغير. ويحفظوا حقوق الجار.
وحافظين الاصول بالعرض والطول.
وربنا يديها الصحة والعافية.
وهي تاريخ للبلد وسيرة ذاكرة جميلة وحلوة.
توثيق /استاذ كمبال بشير كمبال/كورتي/ام درمان /القاهرة.
الاربعاء 6 نوفمبر 2024م
????????????♂️????
