أذلال المواطن العراقي هل هو هدف حكومة الإطار الشيعي ؟؟
بينما العالم بدأت تودع قناني الغاز…
وصارت تعتمد على الأنابيب اللي توصل الغاز مباشرة للبيوت…
إحنا للأسف نرجع خطوة الي الخلف.
بعد ما كان الدوار يجي للبيت ويبدل القنينة،
صار المطلوب من المواطن يروح للبنزينخانة حتى يستلمها بنفسه!
طيب احد فكر:
شلون امرأة كبيرة بالعمر تشيل قنينة غاز؟
وإذا استأجرت سيارة كم من المال سيكلّفها الحصول علي قنينة غاز .
شلون مريض ظهر أو مفاصل يروح ويجي؟
وشلون بيت ما بيه رجل حاضر يدبر الموضوع؟
الخدمة وجدت أصلاً حتى تريح الناس…
مو حتى تزيد تعبهم.
وإذا الهدف التنظيم، فالحل أبسط مما تتصورون:
أعطوا الدوار جهاز POS وخلوه يكمل معاملة الكوبون النفطي وهو يوصل القنينة للبيت.
التطور مو أن ترجعون الناس الي الوراء …
التطور الحقيقي أن توصلون للمرحلة اللي وصلها العالم:
غاز يوصل للبيوت عبر الأنابيب، مو مواطن يحمل قنينة ويروح للبنزينخانة وينتظر بالسرة ساعات حتي يحصل علي قنينة غاز وهذا مالم يحصل في دولة متخلفة في العالم كافي اهانة المواطن من حكومة لاتعرف كيف تقود البلد فاليوم ارتفعت أسعار قنينة الغاز أضعاف سعرها في بلد نفطي يقبع علي ارض النفط فألي أين تريدون بالعراق؟؟
د. عادل الجبوري
صحفي وكاتب سياسي
نيسان/٢٠٢٦
