نفس الحتـــــــة
**************
كان الشوق مَلفُوف في الخاطــــــــــــر
و كان محسوس في جيب الزمن الاشتر
كان مدسوس في نفس الحِتـــــــه ……
في ذات السكه الجلدهـا خــــــدر …….
عطر عصب الشـــوق الشافــك …….
وشد الخطــوة … البينــــي و بينـــــك
لما مشيتــــك جمب النيــل ….
كان القيف بتاوق فيـــك ….
كفكف خصلة في عين الضفــة ….
و رمل الإلفة إعاين ليـــك ….
تجرجري كُم الروح بيجاي …
وتمسكي كتف اللهفة عليــك
تشُّمِي حنيني البايت فيــــــك …
إمكن يلصق فيني شهيقـــك
بلة ريقــــــــك و الفنجان ….
كان الجـو جد ممنونــك ……
و كان مجنونـــــــــــك
إستأذنتـك تكتبـــــــــــي …..
ذات اللحظـــــة الفيهـــا
يعاكس جفن الليــــــــل …..
رمش الخيل الشافك و ميل
إستأذنتــك ترسمـــــــــي …
شكل الودعة لما تمشـط …
شعر اللهفة السادل روعة …
وماسك يد الغني اكليــــل
نفس الحتــــــــــه …..
و ذات اللحظـــة
سرح الخاطر مني و منــــــك
وشابك حنك قلـب الطيـــــن ….
ليلك ضاوي و ليلي البايـــت
عندك فايت صورتك عنـدي ..
و صوتك اصلا طعمو حنيـن …
يا بت يا نيـــــــــــــــــــــــل
2015 قبل الميلاد خالد جابر
